*కవిత ఎండు ఆకు (కవిత)

 ఓం శ్రీ రామ్  - శ్రీ మాత్రే నమ:



*కవిత ఎండు ఆకు (కవితా)

పండు టాకులుగ మరి
ఎండు కాయలు డొల్లగా మారి
పండు తాకులు రాలినట్లుగా 
మండు టెండలకు తట్టుకోక విలవిలలాడే 

పూలు పూయుట లేదు
సెలవు పెట్టింది వసంత ఋతువు కాదు
వలకపోసే మనసు లేదు
నులక మంచముమీద నిద్ర రావటము లేదే

తెర వెనుక కధలు
తెరచాప లేని నావలా ఊగిస లాటలు
తరుము తున్న తరంగాలు   
తరుణమంతా ధారపోసిన గుర్తింపు లేదులే

గాలి సెగలకు తట్టుకోలేక
గాలి పటంలా ఎగిరి తెగిన పటములా మారక
అలల అల్లరి చూడలేక
కలల కల్లోలం ఎవ్వరికి చెప్పుకోలేక తికమకే   

వ్యర్ధమైన వాడని పూలలా
స్వార్ధ బుద్ధి లేని దివిటీలా
అర్ధపు మాటలు అర్ధమయ్యేలా
తీర్ధము త్రాగినా దేవుని పిలుపు రాదులే

వృద్దాప్యం ఎండుటాకు సమానము
- అయిన కర్తవ్యం మరువదు వృద్ధాప్యము