kavitalu

ఓం శ్రీ రామ్ - శ్రీ మాత్రేనమ: 

ఓం శ్రీ రామ్ - శ్రీ మాత్రేనమ:


* వేంకటేశా  * వేంకటేశా  * వేంకటేశా
రచయత :మల్లాప్రగడ రామకృష్ణ 

కవితను వ్రాద్దామను
కున్నాను వేంకటేశా
నా ప్రేరణ నీవేకదా,
నీ రుచులు అభిరుచులు తెలుపవా

గాత్రం తో పాడుదామను
 కున్నాను వెంకటేశా
నీ నిద్ర భంగం చేయలేను,
అయిన ఏ రాగంలో పాడాలో తెలుపవా

ప్రేమ తపన నన్ను
ఆవరిస్తున్నది వేంకటేశా
కోరిక ఇదని చెప్పలేను,
అయిన అనుభవశాలివి నీవే తెలుపవా

దాహం తీర్చాలని
తపిస్తున్నాను వేంకటేశా
దాహం తీర్చలేను,
అయిన దాహం తీర్చే దారి తెలుపవా

దూరం భయం నన్ను
వెంబడిస్తుంది  వేంకటేశా
అది నీపై కోరికని చెప్పలేను,
అయిన దగ్గిర మార్గం తెలుపవా

నీ స్నేహం కోసం
అర్ధిస్తున్నాను వేంకటేశా    
సరస్వం నీకే అర్పిస్తున్నాను,
అయిన మనస్సుకు శాంతి తెలుపవా

ఆశలు నన్ను తరుము
తున్నాయి వేంకటేశా
కావ్యాన్ని వ్రాయలనుకున్నాను,
 అయిన ఎలా వ్రాయాలో తెలుపవా 

ద్యాస అంతా నీ దగ్గరే
 ఉంది వేంకటేశా
ధ్యానం చేస్తున్నాను,
అయిన నీపై ఏకాగ్ర దృష్టి ఎలాగో తెలుపవా

శ్రావ్యంగా గానం చేయాలను
కున్నాను వేంకటేశా
లక్ష్యాలను అధికమిస్తున్నాను,
 అయిన లక్ష్యానికి దారి చూపలేవా

దాన, ధర్మాలు
చేస్తున్నాను వేంకటేశా
అనురాగభంధలో ఉన్నాను,
అయిన భందాలకు విముక్తి తెలుపవా

చీకటిలో ఏమిచేయాలో
తెలియకున్నాను వెంకటేశా
వెలుగు చూడలేకున్నాను
 అయిన నా మస్తకమునందు వెలుగు నింపలేవా

బంధానికి అతీతుడనై
ఉండ లేకున్నాను వేంకటేశా
భక్తి  భావనలో ఉన్నాను,
అయిన భాగ్యం కలిగించే మనస్సు అందించవా

జగత్తు కోసం ఏమి చేయాలో
 తెలపాలి వేంకటేశా
అభినయించ గలను,
 అయిన నటనా సూత్రధారివి కదా ఎలాగో తెలుపవా

భంగిమలా బ్రతకాలను
కున్నాను వెంకటేశా
నాట్యం చేయాలనుకున్నాను,
 అయిన వశీకరణం  ఎలాగో తెలుపవా

ఉచ్వాస వద్దన్నా
వెంబడిస్తున్నది వేంకటేశా
నిశ్వాస ఎలా చేయగలను,
అయిన ప్రకృతిలో ఎలా బ్రతకాలో తెలుపవా

తనువంతా నీకే
అర్పిస్తున్నాను వేంకటేశా
ప్రాణాలను నీదగ్గరే ఉంచుతున్నాను,
 అయిన నీలో ఇక్యమార్గం తెలుపవా 

ఓం శ్రీ రామ వేంకటేశా
ఓం శ్రీ కృష్ణ వేంకటేశా
ఓం కార వేంకటేశా     
నమో నమ: నమోనమ: నమోనమ:
--((*))--

*ప్రస్థానం ( భగవానుడు)

పట్టు పీతాంబరముల.. చుట్టుకొనువాడు..
పసిడి కట్ల పిల్లoగ్రోవి ధరియించువాడు ..
కాటుక తో అందగించు కనులవాడు
శిఖిని పింఛమమరిన. చిన్నవాడు.

వెలుగు విరజిమ్ము మోమువాడు
నీలి జలదంపు మేని వన్నె వాడు
సాధు జనులను రక్షించు వాడు
ప్రేమతో పిలిస్తే ప్రత్యక్షమయ్యె వాడు

ఆకాశం లో శాంతి నెలకొను వాడు
భూమండలం లో శాంతి నెలకొనువాడు
సముద్రజలం లో శాంతి నెలకొనువాడు
సమస్త ప్రాణులలో శాంతి నెలకొనువాడు

పాడ మంజీరా రవళుల పడుచువాడు
కరుణ సారించు దృక్కుల కన్నయ్యవాడు
వేణు నాదమ్ము జగము లూగించువాడు
సకల జీవుల ఉల్ల మలరించువాడు.

భక్తి, రక్తిని బోధించ అవతారమొందినాడు
భక్త కోటిని బ్రోచిన భాగవతుడు.. వాడు.
ఇహమునకు .పరమునకు ఈప్సితమునకు
ముక్తి.. మార్గమ్ము జూపెడి.గీతాచార్యుడతడు.

ప్రకృతి పరిధిని, మించి రక్షించు వాడు
పరిమితులను దాటి ధర్మాని కాపాడేవాడు
ఏదో దేహంలో మనుష్యు ల్లో దేవుడై ఉంటాడు
లీలలను ప్రదర్శిస్తూ ఆగమ లక్ష్యాన్ని పూర్తి చేస్తాడు
--((*))__


వెనుకనున్నవిలువ
మనిషీ! ఓ మనిషీ!!
చేష్ట వెనుక
చేవ ఎంతో?
అందం వెనుక
పొందిక ఎంతో?
కథనం వెనుక
మథనం ఎంతో?
విజయం వెనుక
వినియోగం ఎంతో?
సారం వెనుక
సాధన ఎంతో?
ప్రశంస వెనుక
ప్రతిభ ఎంతో?
పంట వెనుక
పరిశ్రమ ఎంతో?
ప్రగతి వెనుక
ప్రయాసం ఎంతో?
నిజం వెనుక
నిజాయితీ ఎంతో?
మనిషీ! ఓ మనిషీ!!
జీవితం వెనుక
జీవితార్థం ఎంతో?
**** *** *****